Puyuh malarak atas titi
Nyaring babunyi kada baranti
Uyuh awak aur bagawe
Guring bahimat tampuluan cuti
Nyaring babunyi kada baranti
Sampai kagaong jauh lagi
Guring bahimat tampuluan cuti
Kada maharong anak bini
Sampai kagaong jauh lagi
Kaluncatan warek takutanan
Kada maharong anak bini
Malayan mimpi janak karamiaan
Kaluncatan warek takutanan
Ular minix saharian
Malayan mimpi janak karamiaan
Mangilar bini kasarekan
Ular minix saharian
Bau durian padak hidung
Dikilar bini kasarekan
Bagagamat bangun tulak kawarung
Bau durian padak hidung
Atas atang higa padaringan
Bagagamat bangun tulak ka warung
Kaitu pang kadada gaweaan
Atas atang higa padaringan
Iwak wadi kada babuangan
Kaitu pang kadada gaweaan
Ayuhak aku manyudi kita nginuman
No comments:
Post a Comment